Ayon sa pinakahuling datos ng State Administration of Foreign Exchange (SAFE) ng Tsina, hanggang katapusan ng nagdaang Abril, umabot sa mahigit 3.09 na trilyong dolyares ang reserba ng dayuhang salapi ng bansa, at mas mababa ito ng 3.8 bilyong dolyares kumpara sa datos noong Marso. Sa gayon, nalagot ang 5-buwang pagtaas ng reserba ng dayuhang salapi ng Tsina.
Ayon kay Wang Chunying, Tagapagsalita ng SAFE, ang pangunahing dahilan ng pagbaba ay pabagu-bagong exchange rate at presyo ng ari-arian.
Noong Abril, kumpara sa ibang pangunahing salapi, tumaas ng 0.2% ang U.S. dollar index.
Dagdag pa ni Wang, sa hinaharap, mananatiling balanse ang daloy ng cross border capital na dulot ng matatag na patakaran at kapaligirang pangnegosyo ng Tsina. Ito aniya ay makakatulong sa pagkakaroon ng matatag na reserba ng dayuhang salapi ng bansa.
Salin: Jade
Pulido: Rhio