San Jose, kabisera ng Costa Rica—Ipininid Martes, Mayo 7, 2019 ang ika-3 pulong ng international liaison group sa isyu ng Venezuela. Nanawagan ang grupo na resolbahin ang krisis ng Venezuela, sa pamamagitan ng mapayapang paraan.
Sa news briefing pagkatapos ng pulong, hinimok ni Federica Mogherini, High Representative for Foreign Affairs and Security Policy ng Unyong Europeo (EU), ang iba't ibang panig na iwasan ang paglala ng maigting na kalagayan, at tutulan ang pakikialam na militar sa Venezuela. Diin niya, ang paghanap ng isang demokratiko't mapayapang kalutasang pulitikal na gumagalang sa mithiin ng lahat ng mga mamamayan ng Venezuela ang siyang tangin paraan para sirain ang kasalukuyang deadlock. Dagdag niya, ipapadala ng international liaison group ang isang delegasyon sa mataas na antas sa Venezuela, para iharap ang solusyon sa nasabing krisis. Pero hindi niya binanggit ang konkretong nilalaman ng naturang solusyon.
Salin: Vera