Hinggil sa CRIHinggil sa Serbisyo Filipino
   

"Temporary General License," maliit ang katuturan sa Huawei — Ren Zhengfei

(GMT+08:00) 2019-05-21 15:54:27       CRI

Ipinalabas nitong Lunes, Mayo 20, 2019 ng Kagawaran ng Komersyo ng Amerika ang 90 araw na "Temporary General License" na nagpapaliban sa isinasagawang trade ban sa mga produkto at serbisyo ng Huawei Company at mga kaukulang kompanya sa Amerika.

Ayon sa nasabing kagawaran, ang mga Amerikanong bahay-kalakal na may "Temporary General License" ay puwedeng magluwas at maglipat ng mga produkto at teknolohiya sa Huawei at 68 di-Amerikanong bahay-kalakal. Ngunit "espesyal" at "limitado" lamang ang nasabing permisyon na may bisa para sa mga nagagamit na produkto at serbisyo ng Huawei sa Amerika.

Nagkabisa ang "Temporary General License" mula Mayo 20 at tatagal hanggang sa Agosto 19 ng kasalukuyang taon. Tatayain pa ng Kagawaran ng Komersyo ng Amerika kung pahahabain o hindi ang panahong ito.

Dagdag pa ng pahayag, ang "Temporary General License" ay hindi na nangangahulugang pagsusog sa "Entity List."

Kaugnay nito, sa isang panayam nitong Martes, sinabi ni Ren Zhengfei, tagapagtatag ng Huawei, maliit ang katuturan ng nasabing 90 araw na "Temporary General License" para sa kanyang kompanya. Aniya, ang kasalukuyang pinakamahalagang bagay ay dapat tugunan nang mabuti ang sariling suliranin. "Di namin puwede ikasiya ang mga ginagawa ng pamahalaang Amerikano," dagdag niya.

Sinabi niya na noong isang taon, binigyan na ng limitasyon ng Amerika ang Huawei. Sa kasalukuyan, minamaliit aniya ng mga politikong Amerikano ang abilidad ng Huawei. Aniya, hinding hindi maaapektuhan ng aksyong ito ang 5G wireless technology ng Huawei.

Salin: Li Feng

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>