|
||||||||
|
||
Hiniling nitong Miyerkules, Mayo 22 ni Lu Kang, Tagapagsalita ng Ministring Panlabas ng Tsina sa ilang diplomatang Amerikano na magkaloob ng totoong tulong sa mga bansang Aprikano. Kung hindi nila kaya, kailangan silang magpakita ng malusog na pakikitungo sa mga bansang tumutulong sa pag-unlad ng Aprika, dagdag pa ni Lu.
Ayon sa mga ulat, binabalangkas ni Brad Sherman, Mambabatas ng Mababang Kapulungan ng Amerika ang Panukala sa Debt Trap ng Tsina, para matulungan ang mga ikatlong bansa na makahulagpos sa di-umano'y debt trap ng Tsina. Magkakasunudo-sunod na ipinahayag ng ilang diplomata at mambabatas na Amerikano na sa pamamagitan ng Belt and Road Initiatve (BRI), pinapalawak ng Tsina ang impluwasya at dahil dito, ilang bansa ang nasadlak sa debt trap.
Hinimok din ni Lu sa kanila na pakinggan kung ano ang masasabi ng mga bansang Aparikano kaugnay ng tulong mula sa Tsina at magkakasamang pagpapasulong ng BRI.
Iniharap ng Tsina noong 2013 ang BRI para mapasulong ang komong kasaganaan.
Salin: Jade
Pulido: Mac
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |