|
||||||||
|
||
Nagkasundo sina Pangulong Xi Jinping ng Tsina at Pangulong Vladimir Putin ng Rusya na isasagawa ang mas maraming magkasanib na kalutasan sa mga suliraning pandaigdig.
Narating ng dalawang pangulo ang nasabing kasunduan sa kanilang pagtatagpo nitong Miyerkules ng hapon, Hunyo 5, local time sa Moscow.
Ani Xi, ngayong taon ay ika-70 anibersaryo ng pagkakatatag ng relasyong diplomatiko ng Tsina't Rusya. Ito aniya ay hindi lamang muhon, kundi bagong simula rin ng bilateral na ugnayan. Diin ni Xi, walang hanggan ang pag-unlad ng relasyong Sino-Ruso at bubuti pa ito sa hinaharap. Nakahanda ani Xi ang Tsina na magsikap, kasama ng Rusya, para magdulot ng mas maraming kapakinabangan para sa mga mamamayan ng dalawang bansa at magkaloob ng mas maraming kalutasang Sino-Ruso sa mga isyung pandaigdig.
Sinabi naman ni Putin na bunga ng ginagawang pagdalaw ni Xi, naiangat na sa pinakamataas na lebel ang relasyong Sino-Ruso at magdudulot ito ng mas maraming benepisyo para sa mga mamamayan ng dalawang bansa.
Dumating nitong Miyerkules ng Rusya si Xi para magsagawa ng dalaw pang-estado at lumahok sa 2019 St. Petersburg International Economic Forum.
Silid sa Kremlin kung saan nagkaroon ng small-scale meeting sina Xi at Putin. [Photo: China Plus]
Salin: Jade
Pulido: Mac
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |