Moscow--Idinaos Hunyo 5, 2019, ang seremonya ng pagbubukas ng magkasanib na workroom ng Komentaryo ng Tsina at Rusya ng China Media Group (CMG) at Rossiyskaya Gazeta (RG), opisyal na pahayagan ng pamahalaan ng Rusya. Dumalo sa seremonya sina Shen Haixiong, Presidente ng CMG and Pavel Negoitsa, Direktor-Heneral ng RG.
Sa kanyang talumpati, ipinahayag ni Shen na ang magkasanib na workroom ng komentaryo ay bagong proyekto ng mga media ng Tsina at Rusya sa ilalim ng mga hakbang para sa pag-unlad ng relasyon ng dalawang bansa. Aniya, umaasang palalawakin at palalalimin ang komunikasyon ng makatarungan, makatuwiran at totoong tinig sa pamamagitan ng pagbabago ng modelong kooperasyon ng mga media.
Ipinahayag ni Pavel Negoitsa na nitong ilang taong nakalipas, pinananatili ang mainam na kooperasyon ng RG at CMG, at ang pagbubukas ng magkasanib na workroom ay magdudulot ng ibayong progreso. Umaasa siyang patuloy na patitingkarin ang bentahe ng isa't isa, at gagamitin nang mabuti ang bagong teknolohiya ng makabagong media, para mapataas ang kooperasyon sa bagong lebel.
Salin:Lele