Nag-usap Hunyo 5, 2019, sina Xi Jinping, Pangulo ng Tsina at Vladimir Putin, Pangulo ng Rusya sa Moscow. Lubos na pinahalagahan ng dalawang lider ang pag-unlad ng bilateral na relasyon nitong 70 taong nakalipas sapul nang itatag ang relasyong diplomatiko ng kanilang mga bansa. Sumang-ayon silang patuloy na magpapaunlad ng komprehensibo, at estratehiko partnership ng koordinasyon ng Tsina't Rusya para sa bagong panahon, at magdudulot ng mas maraming benepisyo para sa mga mamamayan ng dalawang bansa.
Tinukoy ni Xi na sa kasalukuyan, ang pag-unlad ng relasyon ng Tsina at Rusya ay patuloy, matatag at malusog, at ito ay nasa pinakamagandang panahon. Aniya, matatag na kumakatig ang dalawang panig sa pangangalaga ng nukleong interes ng isa't isa, mahigpit ang pulitikal at estratehikong pagtitiwalaan; aktibong pinasusulong ang kooperasyon ng dalawang bansa sa iba't ibang larangan; at aktibong nilalahukan ang mga suliraning pandaigdig at pangangasiwang pandaigdig, at nang sa gayo'y, mag titingkad ang konstruktibong papel sa kapayapaan, katatagan, katarungan at makatuwiran ng daigdig.
Ipinahayag ni Putin na ang taong ito ay ika-70 anibersaryo ng pagkakatatag ng Republika ng Bayan ng Tsina at ngayong taon din ay ika-70 anibersaryo ng pagtatatag ng relasyong diplomatiko ng Rusya at Tsina. Aniya, nitong 70 taong nakalipas, umabot na ang relasyon ng dalawang bansa sa mataas na lebel, at mabisa ang pagpapalitan at kooperasyon sa iba't ibang larangan. Sinabi rin ni Putin na bunga ng ginagawang pagdalaw ni Xi, naiangat na sa pinakamataas na lebel ang relasyong Sino-Ruso, at dapat patuloy na palakasin ng dalawang bansa ang koordinasyon sa mga mahalagang suliraning panrehiyon at pandaigdig para harapin ang hamon ng unilateralismo at proteksyonismo.
Salin:Lele