Ipinahayag ngayong araw, Lunes, ika-17 ng Hunyo 2019, sa Beijing, ni Tagapagsalita Lu Kang ng Ministring Panlabas ng Tsina, na ang pagkabangga ng isang bapor pangisda ng Tsina at ilang bapor pangisda ng Pilipinas sa Liyue Tan ng Nansha Islands ay di-inaasahang aksidente. Aniya, hindi angkop ang pagsasapulitika ng isyung ito, o pag-uugnay nito sa relasyon ng dalawang bansa.
Ipinahayag din ni Lu ang pakikiramay ng panig Tsino sa mga mangingisdang Pilipinong apektado ng naturang aksidente. Aniya pa, batay sa lubos na responsableng atityud, komprehensibo at buong taimtim na ini-iimbestigahan ng panig Tsino ang aksidenteng ito, at palalakasin ang pakikipagkontak sa panig Pilipino hinggil sa mga imporasyon ng imbestigasyon. Nananalig aniya siyang, batay sa katotohanan, maayos na hahawakan ng kapwa panig ang isyung ito, sa pamamagitan ng diwa ng pagtutulungan at pagkakaibigan.
Naganap noong ika-10 ng buwang ito ang nabanggit na pagkabangga. Ipinahayag naman ni Pangulong Rodrigo Duterte, na dapat patingkarin ang papel ng mga diplomatikong tsanel sa isyung ito.
Salin: Liu Kai