Ayon sa pamahalaang panlunsod ng Yibin, probinsyang Sichuan ng Tsina Martes, hanggang alas-5:30 kaninang madaling araw, Hunyo 18, 2019, 11 katao ang naitalang namatay sa lindol sa bayang Changning ng lugar na ito, at 123 iba pa ang nasugatan. Kasalukuyang isinasagawa ang disaster relief work.
Niyanig Lunes ng gabi ng magnitude 6.0 lindol ang bayang Changning at grabe ring naapektuhan ang sampung (10) nayon at bayan sa paligid ng epicenter. Ipinadala na ng lokal na pamahalaan ang mga rescue team sa purok-kalamidad para isagawa ang gawaing panaklolo. Bukod dito, 61 tauhang medikal ang ipinadala ng mga ospital na lokal para gamutin ang mga nasugatan.
Salin: Li Feng