Sinabi ngayong araw, Huwebes, ika-20 ng Hunyo 2019, sa Beijing, ni Lu Kang, Tagapagsalita ng Ministring Panlabas ng Tsina, na iminungkahi ng panig Tsino, na simulan sa lalong madaling panahon, kasama ng panig Pilipino, ang magkasanib na imbestigasyon sa pagkabangga ng isang bapor pangisda ng Tsina at isang bapor pangisda ng Pilipinas sa Liyue Tan ng Nansha Islands, at magpalitan din ng palagay batay sa magkahiwalay na inisyal na imbestigasyon ng isa't isa. Umaasa rin aniya ang panig Tsino, kasama ng panig Pilipino, na maayos na hahawakan ang isyung ito, sa pamamagitan ng mapagkaibigang pagsasanggunian, at batay sa resulta ng imbestigasyon na kilalanin ng kapwa panig.
Sa ngalan ng panig Tsino, muli ring ipinahayag ni Lu ang pakikiramay sa mga mangingisdang Pilipinong apektado ng naturang aksidente.
Salin: Liu Kai