Kinatagpo Hunyo 24, 2019, sa Beijing ni Wang Yi, Kasangguni ng Estado at Ministrong Panlabas ng Tsina, sina Joseoh Malanji, Ministrong Panlabas ng Zambia, Luis Filipe Tavares, Ministrong Panlabas ng Cape Verde, at Gbehzohnga R. M.Findley, Ministrong Panlabas ng Liberia. Tinukoy ni Wang Yi na matapat at walang layuning pulitikal ang kooperasyon ng Tsina at Aprika.
Ipinahayag ni Xi na laging tumatalima ang Tsina sa di-pakikialam sa mga suliraning panloob ng ibang bansa, at ang pagsasagawa ng kooperasyon ay batay sa pangangailangan ng Aprika at sa ilalim ng framework ng South-South Cooperation, at para sa komong pag-unlad. Aniya, ang isyu ng utang ng mga bansang Aprikano sa kasaysayan ay walang kaugnayan sa kooperasyon ng Tsina at Aprika. Sa halip, aniya, ang kooperasyon ay nagpapasulong ng konstruksyon ng imprastruktura, at nagdudulot ng benepisyo sa kabuhayan at lipunan, at nang sa gayo'y, nagpapalakas ng kakayahan ng sarili at sustenableng pag-unlad ng Aprika.
Salin:Lele
