Bago ang pagdaraos ng Osaka G20 Summit, ipinadala kahapon, Miyerkules, ika-26 ng Hunyo 2019, ni Pangkalahatang Kalihim Antonio Guterres ng United Nations (UN), ang mensahe sa mga lider ng G20, bilang pananawagan sa kanila na isagawa ang mga hakbangin para pamunuan ang pagsasakatuparan ng mabilis, malakas, at pantay na paglaki ng kabuhayang pandaigdig.
Ang mga hakbanging iminungkahi ni Guterres ay kinabibilangan ng pagkakaloob ng social security at bagong bunga ng siyensiya at teknolohiya sa mga tao sa mga lugar ng daigdig na may bumubulusok na industriya, pagbuo ng pandaigdig na sistemang pinansyal na angkop sa target ng sustenableng pag-unlad, pagbibigay ng pantay na pagkakataon ng hanapbuhay sa kababaihan, at iba pa.
Sinabi rin ni Guterres, na sa kasalukuyan, kinakaharap ng multilateral na sistemang pangkalakalan ang krisis. Kaya aniya, dapat katigan ng G20 ang pagsasagawa ng kinakailangang reporma sa World Trade Organization, palakasin ang pandaigdig na kaligtasang pinansyal, at pag-ibayuhin ang pagharap sa mga sistematikong panganib.
Salin: Liu Kai
