Changsha, Lalawigang Hunan ng Tsina—Binuksan Huwebes, Hunyo 27, 2019 ang kauna-unahang China-Africa Economic and Trade Expo (CAETE). Nagpadala ng liham na pambati sa ekspo si Pangulong Xi Jinping ng Tsina.
Tinukoy ni Xi na nitong nakalipas na mahabang panahon, ayon sa agos ng panahon at sarili nilang pangangailangan sa pag-unlad, aktibong isinagawa ng Tsina at Aprika ang pragmatikong kooperasyon, batay sa pagkakapantay-pantay at mutuwal na kapakinabangan, at kapansin-pansin ang natamong bunga nila.
Diin ni Xi, noong nagdaang Setyembre, ipinatalastas niya ang pagtatayo ng CAETE sa Beijing Summit ng Forum on China-Africa Cooperation, at layon nitong ilatag ang plataporma para sa pagpapalalim ng kooperasyong pangkabuhaya't pangkalakalan ng kapuwa panig. Umaasa aniya siyang palalakasin ng magkabilang panig ang sinerhiya tungkol sa pagpapatupad ng "walong aksyon" ng nasabing Beijing Summit, aktibong hahanapin ang bagong landas ng kooperasyon, at pasusulungin ang kooperasyong pangkabuhaya't pangkalakalan ng kapuwa panig sa bagong antas.
Salin: Vera