Ipinahayag nitong Biyernes, Hulyo 5, 2019 ni Sergei Ryabkov, Pangalawang Ministrong Panlabas ng Rusya, na patuloy na pauunlarin ng kanyang bansa ang relasyon sa Venezuela. Nanawagan din siya sa pamahalaan ng Venezuela na panatilihin ang diyalogo sa oposisyon para pigilan ang tangka ng puwersang panlabas na manghimasok sa situwasyon ng bansang ito.
Sinabi niya na hindi nagbabago ang ipinapataw na labis na presyur ng Amerika laban sa Venezuela. Aniya, nagtatangka ang panig Amerikano na sirain ang katatagan ng situwasyong pulitikal ng Venezuela, at kasalukuyang sinusubaybayan ng panig Ruso ang ginagawang aksyon ng Amerika.
Salin: Li Feng