Noong Hulyo 8, idinaos sa Beijing ang ika-8 World Peace Forum sa ilalim ng temang "Matatag na International na Kaayusan: Pananagutan, Pamamahala, at Pagbabahagi".
Sa kanyang pambungad na talumpati, sinabi ni Pangalawang Pangulong Wang Qishan ng Tsina, na palaging determinado ang kanyang bansa sa landas ng mapayapang pag-unlad. Hindi aniya tatahak ang Tsina sa landas ng hegemonya at hindi bubuo ng sariling saklaw ng impluwensiya.
Sinabi rin niyang, sa harap ng kasalukuyang pagbabago ng internasyonal na kaayusan, inaasahan ng Tsina na itataguyod ang pagsusulong ng isang bagong uri ng internasyunal na relasyon at komunidad na may pinagbabahaginang kinabukasan para sa sangkatauhan, pangangalagaan ang pundasyon ng multilateralismo, palalawakin ang landas ng pangkaraniwang pag-unlad, itataguyod ang pag-aaral ng iba't ibang kultura sa isa't isa, at palalakasin ang pagtutulungan upang lutasin ang mga bagong hamon para sa sangkatauhan. Nananawagan din aniya ang Tsina sa lahat ng mga bansa na sundin ang paniniwala ng mapayapang pag-unlad, walang-alinlangang itaguyod ang pang-ekonomiyang globalisasyon, at sama-samang gumawa ng isang mas makatarungan, makatwiran, matatag at mabisang internasyonal na kaayusan.
Salin: George Guo