Sinabi nitong Martes, Hulyo 9, 2019 ni Ma Zhaoxu, Pirmihang Kinatawan ng Tsina sa United Nations (UN), na ang isinasagawang pakikibaka ng Tsina laban sa terorismo at ekstrimismo ay mabisang nakakapagpigil sa gawain ng mga terorista. Bunga nito'y naigagarantiya aniya sa pinakamalaking digri, ang mga pundamental na karapatan ng mga mamamayan ng iba't-ibang nasyonalidad ng bansa.
Sa isang bukas na debatehang idinaos nang araw ring iyon ng UN Security Council tungkol sa pag-uugnayan ng pandaigdigang terorismo at organisadong krimen, sinabi ni Ma na ang Tsina ay biktimang bansa ng terorismo. Aniya, sa harap ng mga realistikong bantang dala ng terorismo at ekstrimismo, isinasagawa ng Tsina ang buong tinding hakbangin para mapasulong ang pakikidigma sa mga problemang ito. Ito ay mahalagang bahagi ng pakikibaka ng komunidad ng daigdig laban sa terorismo, at ganap na angkop sa layunin at prinsipyo ng UN na nagbibigay-dagok sa terorismo at naggagarantiya ng pundamental na karapatang pantao, aniya pa.
Dagdag pa ni Ma, aktibong kinakatigan ng Tsina ang ginagawang pagsisikap ng mga umuunlad na bansa sa pakikibaka sa usaping ito. Nakahanda aniya ang Tsina na palakasin ang pakikipagpalitan at pakikipagkooperasyon sa mga umuunlad na bansa para magkakasamang mapangalagaan ang kapayapaan at katatagang panrehiyon at pandaigdig.
Salin: Li Feng
