Ngayong araw, Huwebes, ika-11 ng Hulyo 2019, ay ang ika-15 Maritime Day ng Tsina.
Sa isang may kinalamang porum na idinaos ngayong araw, sinabi ni Liu Xiaoming, Pangalawang Ministro ng Transportasyon at Komunikasyon ng Tsina, na nitong 16 na taong nakalipas, nananatiling unang puwesto sa daigdig ang kapwa cargo throughput at container throughput sa mga puwerto ng Tsina, samantala, tumaas sa ikalawang puwesto sa daigdig ang kabuuang saklaw ng mga cargo ship ng Tsina batay sa deadweight tonnage.
Sinabi rin ni Liu, na hindi pa malakas na bansa ang Tsina sa paglalayag sa karagatan. Aniya, pabibilisin ng Tsina ang inobasyong pansiyensiya at panteknolohiya sa aspekto ng paglalayag sa karagatan, para isakatuparan ang de-kalidad na pag-unlad ng industriyang ito.
Palalakasin din ng Tsina ang kooperasyon sa paglalayag sa karagatan, kasama ng iba't ibang bansa ng daigdig, lalung-lalo na ng mga bansa sa kahabaan ng Belt and Road, dagdag pa ni Liu.
Salin: Liu Kai