Idinaos kahapon, Sabado, ika-13 ng Hulyo 2019, sa Beijing, ang Ika-3 Seminar on Global Talent Mobility and International Migration.
Sinipi ng mga kalahok na ekspertong Tsino at dayuhan ang mga estadistika tungkol sa international human migration at people-to-people exchanges ng Tsina. Halimbawa, noong 2018, lumampas sa 30 milyong person time ang bilang ng mga dayuhang pumasok sa Tsina, at lumaki ng 4.6% ang bilang na ito kumpara sa taong 2017. Noong 2018 naman, inilabas ng Tsina ang 330 libong work permit sa mga dayuhang propesyonal, at sa kabuuan, mahigit 950 libong dayuhan ang nagtatrabaho ngayon sa Tsina. Samantala, ayon sa estadistika ng Organization for Economic Cooperation and Development, sa kasalukuyan, nagtatrabaho ang mahigit 200 libong Tsino sa 36 na kasaping bansa ng organisasyong ito. At ang Tsina ay kapwa mahalagang bansang pinagmumulan at destinasyon ng mga mandarayuhan.
Ipinalalagay ng mga eksperto, na lumalahok ang Tsina sa globalisasyon sa pamamagitan ng mas bukas na atityud. Anila, ang napakalaking bilang ng international human migration at people-to-people exchanges ng Tsina ay ang pinakamabuting patunay ng tuluy-tuloy na paglakas ng pambansang puwersa ng Tsina, tuluy-tuloy na paglalim ng pagbubukas nito sa labas, at tuluy-tuloy na pagtaas ng lebel ng pamumuhay ng mga mamamayang Tsino.
Salin: Liu Kai