Nagtagpo Hulyo 19, 2019, dito sa Beijing, sina Wang Qishan, Pangalawang Pangulo ng Tsina at Emmanuel Bonne, Tagapayong Diplomatiko ng Pangulo ng Pransya.
Ipinahayag ni Wang na dapat palakasin ang pragmatikong kooperasyon ng Tsina at Pransya sa iba't ibang larangan, at isakatuparan ang komong palagay ng mga lider ng dalawang bansa hinggil sa bilateral na relasyon at kalagayang pandaigdig, para mapasulong ang mas malaking pag-unlad ng komprehensibong estratehikong partnership ng Tsina at Pransya. Aniya pa, nakahanda ang Tsinang patuloy na magsikap, kasama ng Unyong Europeo (EU), para magbigay ng ambag para sa kapayapaan, katatagan at sustenableng pag-unlad ng daigdig.
Ipinahayag naman ni Bonne na mahalagang-mahalaga ang relasyon ng Pransya at Tsina. Nakahanda aniya ang Pransya na palalimin ang pragmatikong kooperasyon sa Tsina, batay sa paggalang at pagtitiwalaan sa isa't isa, pasulungin ang koordinasyon sa mga suliraning pandaigdig at pangalagaan ang pandaigdigang regulasyon at kaayusan.
Salin:Lele