Ottawa, kabisera ng Kanada—Ipinahayag Lunes, Hulyo 22, 2019 ng Huawei Canada na isasagawa ang isang serye ng mga hakbangin para ipatupad ang pangako nito sa pagbibigay-tulong sa kahilagaan at ibang liblib na purok ng Kanada sa pagkakabit ng high-speed internet.
Makikipagkooperasyon ang Huawei Canada sa dalawang kompanya ng telekomunikasyon ng Kanada na kinabibilangan ng ICE Wireless at Iristel, para maisakatuparan ang pagkakabit ng high-speed internet sa di-kukulangin sa 70 kanayunan at liblib na kapitbahayan bago ang taong 2025. Kabilang dito ay 20 kapitbahayan sa Arctic region at 50 kapitbahayan sa hilagang silangan ng Lalawigang Quebec.
Salin: Vera