Sinabi nitong Martes, Hulyo 23, ni Hua Chunying, Tagapagsalita ng Ministring Panlabas ng Tsina, na buong-higpit na sinusubaybayan ng kanyang bansa ang epidemiya ng Ebola sa Aprika, at nakahanda itong patuloy na magkaloob ng kakailanganing tulong sa mga apektadong bansa.
Winika ito ni Hua sa regular na preskon kaugnay ng pahayag ng World Health Organization (WHO) hinggil sa epidemiya ng Ebola sa Democratic Republic of Congo (DRC). Ayon sa WHO, ang epidemiya ng Ebola sa nasabing bansang Aprikano ay nagiging pangkagipitang pangyayari ng kalusugang pampubliko na nakatawag ng pandaigdig na pagkabalaha.
Idinagdag pa ni Hua, sapul nang maganap ang salot sa Kanlurang Aprika noong 2014, nanguna ang Tsina sa mga bansang dayuhan para magbigay ng pangkapigitang tulong sa mga apektadong bansa. Simula noong 2018, nagkaloob na ang Tsina ng mga makataong tulong sa DRC para mapigilan at makontrol ang pagkalat ng Ebola at nagpadala ng mga dalubhasang medikal sa DRC at Uganda, sa pamamagitan ng mga bilateral at multilateral na tsanel. Bukod dito, nagpasiya rin aniya kamakailan ang pamahalaang Tsino na mag-abuloy ng mga materyales para tulungan ang Uganda laban sa salot.
Saad ni Hua, sa pamamagitan ng nasabing mga tulong, ipinakikita ng Tsina, na itinuturing nito ang mga bansang Aprikano bilang kapatid, na kasama sa hirap at ginhawa.
Salin: Jade
|Pulido: Rhio