Inilabas Miyerkules, Hulyo 24, 2019 ng pamahalaang Tsino ang white paper na pinamagatang "Pambansang Depensa ng Tsina sa Bagong Panahon." Komprehensibo nitong inilahad ang patakarang "depensa lamang" ng bansa sa bagong panahon. Sa kauna-unahang pagkakataon, binuo ang sistema ng patakarang pandepensa ng Tsina, at malinaw na ipinakita sa daigdig ang estratehikong direksyon, pundamental na simulain, at katuturang pandaigdig ng konstruksyon ng depensa at tropa ng Tsina.
Ito ang ika-10 white paper hinggil sa tanggulang bansa na inilabas ng pamahalaang Tsino sapul noong 1998.
Komprehensibong ipinakita sa nasabing white paper, sa kauna-unahang pagkakataon, ang historikal na tagumpay ng Tsina sa pagpapalalim ng reporma sa depensa at tropa, detalyadong inilahad ang makatwiran at angkop na defense expenditure, at isinalaysay ang estruktura ng gastusin sa tanggulang bansa ng Tsina. Isinalaysay din ng white paper ang konkretong praktika ng Tsina sa pangangalaga sa mga simulain ng Karta ng United Nations (UN), pagpapasulong ng pagtatatag ng bagong security partnership, pagpapasulong ng pagtatatag ng balangkas ng rehiyonal na kooperasyong panseguridad, maayos na paghawak sa mga isyung may kinalaman sa teritoryo at alitan sa demarkasyong pandagat, aktibong pagkakaloob ng mga produkto para sa pandaigdigang seguridad na pampubliko at iba pa.
Salin: Vera
