Isinalaysay ngayong araw, Biyernes, ika-26 ng Hulyo 2019, ni Wang Bingnan, Pangalawang Ministro ng Komersyo ng Tsina, at Puno ng Tanggapan ng Lupong Tagapag-organisa ng China International Import Expo (CIIE), na nakatakdang idaos mula ika-5 hanggang ika-10 ng darating na Nobyembre ng taong ito sa Shanghai ang ika-2 CIIE.
Kaugnay ng mga bagong elemento ng gagawing ekspong ito, isiniwalat ni Wang, na magkakaroon ang ekspo ng isang plataporma ng pagpapalabas ng mga impormasyon. Aanyayahan aniya ang mga kalahok na kompanya na ilabas ang mga impormasyon hinggil sa mga bagong produkto, teknolohiya, serbisyo, at iba pa. Puwede ring ilabas sa plataporma ng mga departamento ng pamahalaang Tsino, samahang industriyal, at organisasyong pandaigdig, ang mga bagong patakaran ng pagbubukas sa labas, ulat ng pag-aaral, at iba pa, dagdadg ni Wang.
Sinabi rin niyang, sa ika-2 CIIE, itatatag ang sentro ng paglilingkod para sa pangangalaga sa IPR. Magkakaloob aniya ito ng serbisyo ng pangangalaga sa IPR sa mga kalahok na kompanya, at bubuo rin ng plataporma ng pagpapalitan hinggil sa pandaigdig na pangangalaga sa IPR.
Salin: Liu Kai
