Ayon sa salaysay, ngayong araw, Lunes, ika-5 ng Agosto 2019, ni Zhu Guangyao, mataas na opisyal ng Ministri ng Komersyo ng Tsina, noong unang hati ng taong ito, mahigit 2.6 trilyong yuan RMB ang kabuuang halaga ng kalakalang panlabas sa sektor ng serbisyo ng Tsina, at mas malaki ito ng 2.6% kumpara sa gayon ding panahon ng nagdaang taon.
Ayon pa rin sa salaysay, ang halaga ng kalakalang panlabas sa sektor ng serbisyo ay katumbas ng 15.1% ng kabuuang halaga ng kalakalang panlabas ng Tsina, at patuloy na lumaki ang proporsiyong ito. Samantala, patuloy ding lumiit ang depisito sa kalakalang panlabas sa sektor ng serbisyo at ito ay mas kaunti ng 10.5% kumpara sa gayon ding panahon ng nagdaang taon.
Salin: Liu Kai