Nitong Lunes, Agosto 5, 2019, nilagdaan ni US President Donald Trump ang administratibong utos na nagpapa-freeze sa lahat ng ari-arian ng pamahalaan ng Venezuela sa loob ng Amerika. Ayon sa utos, di-maaaring gamitin ang nasabing mga ari-arian sa mga paraang tulad ng paglilipat, pagbabayad, at pagluluwas. Bukod dito, posibleng ipagbawal din ang pagpasok sa Amerika ng mga mamamayang Venezuelan na nagse-serbisyo sa pamahalaan ni Nicolás Maduro Moros.
Ipinalalagay ng opinyong publiko na hanggang sa kasalukuyan, ang pag-freeze ng lahat ng ari-arian ng pamahalaang Venezuelan sa Amerika ay pinakamahigpit na sangsyon ng pamahalaang Amerikano laban sa pamahalaan ni Maduro.
Kaugnay nito, buong tinding kinondena ng pamahalaang Venezuelan ang pagsasagawa ng Amerika ng "comprehensive economic embargo" laban sa Venezuela. Ipinahayag nito na ang isinasagawang ilegal na sangsyon at blokeyong pangkabuhayan ng Amerika sa Venezuela ay "economic terrorism." Ito anito ay nagdudulot ng grabeng pinsala sa kabuhayan at lipunan ng Venezuela.
Salin: Lito