|
||||||||
|
||
Sa kahilingan ng panig Amerikano, nag-usap sa telepono nitong Martes, Agosto 13, sina Liu He, Pangalawang Premyer at Punong Negosyador ng Tsina sa talastasang pangkalakalang Sino-Amerikano at Robert Lighthizer, Kinatawang Pangkalakalan at Steven Mnuchin, Kalihim ng Tesorarya ng Amerika.
Ipinahayag ni Liu ang mariing protesta ng panig Tsino sa binabalak na taripa ng Amerika sa mga panindang Tsino na magsisimula Setyembre 1.
Nagkasundo ang dalawang panig na muling mag-uusap sa telepono sa loob ng susunod na dalawang linggo.
Lumahok din sa katatapos na pag-uusap sina Zhong Shan, Ministro ng Komersyo; Yi Gang, Presidente ng People's Bank of China, bangko sentral ng Tsina; at Ning Jizhe, Pangalawang Puno ng National Development and Reform Commission (NDRC).
Salin: Jade
Pulido: Mac
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |