Hinggil sa CRIHinggil sa Serbisyo Filipino
   

Bilang ng mga pasahero sa paliparan ng Hong Kong, bumaba ng mahigit 11%; bilang ng mga turista, bumaba ng halos 50%

(GMT+08:00) 2019-08-24 16:18:00       CRI
Idinaos kahapon, Biyernes, ika-23 ng Agosto 2019, ng pamahalaan ng Espesyal na Rehiyong Administratibo ng Hong Kong (HKSAR) ng Tsina, ang preskon kung saan isinalaysay ang mga pinakahuling kalagayan ng mga epekto sa kabuhayang lokal na dulot ng mga demonstrasyon.

Sinabi ni Frank Chan, Kalihim ng Transportasyon at Pabahay ng pamahalaan ng HKSAR, na ang mga demonstrasyon at marahas na insidente ay nagdulot ng grabeng epekto sa abiyasyon, tursimo, kalakalan, lohistika, at iba pang sektor ng Hong Kong. Halimbawa aniya, mula noong unang araw hanggang ika-21 ng buwang ito, ang bilang ng mga pasahero sa pandaigdig na paliparan ng Hong Kong ay bumaba ng mahigit 11% kumpara sa gayon ding panahon ng nagdaang taon, at ang bolyum ng kargamento naman ay bumaba ng halos 14%.

Isinalaysay naman ni Edward Yau, Kalihim ng Komersyo at Pagpapaunlad ng Kabuhayan, na mula ika-15 hanggang ika-20 ng buwang ito, ang bilang ng mga turista sa Hong Kong ay bumaba ng halos 50% kumpara sa gayon ding panahon ng nagdaang taon. Samantala aniya, pagpasok ng buwang ito, ang occupancy rate ng mga hotel sa Hong Kong ay bumaba ng 30% hanggang 50%, at ang halaga ng tingian sa Agosto ay tinataya namang bumaba ng 50%.

Ipinahayag ng naturang mga opsiyal ang pag-asang mapapanumbalik sa lalong madaling panahon ang kaayusang panlipunan ng Hong Kong, para bawasan ang epekto sa pamumuhay ng mga mamamayan at kabuhayan ng lugar na ito.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>