|
||||||||
|
||
Nagpalitan kamakailan, sa Naypyitaw ng Myanmar, sina Chen Hai, Embahador ng Tsina sa Myanmar, at Kyaw Tin, Union Minister for International Cooperation, ng palagay hinggil sa kasalukuyang kalagahan sa Espesyal na Rehiyong Administratibo ng Hong Kong (HKSAR).
Isinalaysay ni Chen Hai ang paninindigan ng Tsina sa harap ng karahasan sa Hong Kong. Ipinahayag niyang ang ilang puwersang dayuhan ang nasa likod ng kaguluhan ng Hong Kong. Sinabi ni Chen na ang Hong Kong ay bahagi ng Tsina, at ang mga suliranin ng Hong Kong ay suliraning panloob ng Tsina. Buong tatag na naninindigan ang sentral na pamahalaan ng Tsina sa patakaran ng "Isang Bansa, Dalawang Sistema" at sinusuportahan ang pamahalaan ng Hong Kong na isakatuparan ang batas.
Ipinahayag ni Kyaw Tin na buong tatag na kinakatigan ng Myanmar ang patakaran ng Isang Tsina at "Isang Bansa Dalawang Sistema." Umaasa siyang mapapanumbalik ang kaayusan sa Hong Kong sa lalo madaling panahon.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |