|
||||||||
|
||
Ipinahayag Agosto 28 2019 ni Geng Shuang, Tagapagsalita ng Ministring Panlabas ng Tsina, na hindi angkop sa katotohanan ang pagbatikos ng Amerika na ang Tsina ay pangunahing pinagmumulan ng fentanyal sa loob ng Amerika dahil hindi isinagawa ng Tsina ang mabisang hakbangin ng pagtitigil sa pagluluwas ng fentanyl sa Amerika.
Tinukoy ni Geng sa regular na preskon nang araw rin iyon na lubos na pinahahalagahan ng pamahalaan ng Tsina ang gawain ng paglaban sa droga at mahigpit ang pagkontrol ng pamahalaang Tsino sa fentanyl. Hindi angkop sa katotohanan ang pagbatikos ng Amerika sa Tsina at wala itong katibayan.
Ipinahayag din ni Geng na ang adksyon sa fentanyl ay isyung pandaigdig na kailangan ang magkakasamang pagsisikap ng iba't ibang bansa. Dapat igalang ng Amerika ang katotohanan at palakasin ang pagsusuperbisa at pamamahala sa loob ng bansa. Nakahanda ang Tsina na palalalimin ang kooperasyon sa iba't ibang bansa ng daigdig na kinabibilangan ng Amerika para pasulungin ang paglulutas ng isyu ng fentanyl.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |