|
||||||||
|
||
Idinaos Agosto 29, 2019, sa Naypyidaw, Myanmar, ang seremonya ng pagbubukas ng "China-Myanmar Friendship Forest." Magkakasamang itinanim nina Chenhai, Embahador ng Tsina sa Myanmar, at Myo Aung, opisyal ng Naypyidaw, at ibang kinatawan ng dalawang bansa, ang mga Rosewood na sumasagisag ng pagkakaibigan ng Tsina at Myanmar.
Sinabi ni Chen na magkakasamang itinatatag ng Tsina at Myanmar ang "The Belt and Road (BR)" at China-Myanmar Economic Corridor (CMEC). Nakahanda ang Tsina na magsikap, kasama ng Myanmar, para lalo pang palalimin ang berdeng environmentally friendly na kooperasyon ng dalawang bansa at magkakasamang itatag ang "green silk road" at "green economic corridor," upang pasulungin ang sustenableng pag-unlad ng Myanmar.
Ipinahayag naman ni Myo Aung na bumaba nitong ilang taong nakalipas ang forest cover rate ng Myanmar. Umaasa siyang mapag-aralan ng Myanmar ang mas maraming maunlad na karanasan ng Tsina sa pangangalaga sa kapaligiran.
Isasagawa ng Tsina at Myanmar ang mas maraming kooperasyon sa maraming ekolohikal na larangang tulad ng pananaliksik at pangangalaga sa biodibersidad, pagharap sa pagbabago ng klima at iba pa.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |