|
||||||||
|
||
Nakipagtagpo Setyembre 2, 2019, dito sa Beijing, si Wang Chen, Kasangguni ng Pulitburo ng Komite Sentral ng Partido Komunista ng Tsina at Pangalawang Tagapangulo ng Pirmiihang Lupon ng Pambansang Kongresong Bayan ng Tsina, kay Steve Daines, Senador ng Amerika at Co-Chairman ng working group ng Tsina at Amerika, at kanyang entorahe.
Ipinahayag ni Wang na para sa Tsina at Amerika, ang kooperasyon ay magdudulot ng benepisyo pero ang komprontasyon ay magdudulot ng kapinsalaan. Dapat aniyang mataimtim na isakatuparan ng dalawang panig ang komong palagay na narating ng mga lider ng dalawang bansa sa pagtatagpo sa Osaka, igalang ang isa't isa, at magkasamang pasulungin ang kooperatibo at matatag na relasyong Sino-Amerikano. Ang pagpapalitan ng lehislatura ay makakabuti sa pagkaunawa at pagtitiwalaan sa isa't isa ng dalawang bansa, dagdag niya. Umaasa siyang gaganap ng positibong papel ang working group para rito.
Ipinahayag naman ni Steve Daines at ibang senador na nakahanda silang magsikap para pasulungin ang lalo pang pag-unlad ng relasyon ng dalawang bansa.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |