Ang white paper na pinamagatang "Seguridad na Nuklear sa Tsina" ay ipinalabas Setyembre 3, 2019, ng Tanggapan ng Impormasyon ng Konseho ng Estado ng Tsina. Ito ang kauna-unahang white paper sa seguridad na nuklear na pinalabas ng pamahalaang Tsino.
Komprehensibong isinalaysay sa white paper ang proseso ng pag-unlad ng seguridad na nuklear, at patakaran at paninindigan hinggil dito. Ibinahagi rito ang ideya at pagsasapraktika ng Tsina sa pagpapasuberbisa at pamamahala sa seguridad na nuklear, at inilahad ang kapasiyahan at aksyon ng bansa sa pagpapasulong ng proseso ng pagsasaayos ng seguridad na nuklear sa buong daigdig.
Tinukoy ng white paper na laging gawain ng Tsina ang paggarantiya sa seguridad na nuklear bilang mahalagang responsibilidad ng bansa, napapanatili ang mainam na rekord ng seguridad ng nuklear, at itinatag ang usapin ng seguridad na nuklear na may tangiang Tsino.
Binigyan-diin ng White Paper na bilang mahalagang tagasulong at tagasangkot sa pagkakatatag ng makatuwiran at kooperatibong pandaigdigang sistema ng seguridad na nuklear, buong lakas na pinapasulong ng Tsina ang bilateral at multilateral na kooperasyon sa usaping ito, at mapayapang paggamit ng enerhiyang nuklear para magdulot ng benebisyo para sa buong sangkatauhan.
Ipinalabas ang white paper na "Seguridad na Nuklear sa Tsina" sa 8 wika na kinabibilangan ng Tsino, Ingles, Pranses, Ruso, Aleman, Espanyol, Arabe at Hapon.
Salin:Sarah
