|
||||||||
|
||
Islamabad — Sa kanyang pakikipagtagpo nitong Sabado, Setyembre 7, 2019 sa kanyang Afghani counterpart na si Salahuddin Rabbani, tinukoy ni Wang Yi, Kasangguni ng Estado at Ministrong Panlabas ng Tsina, na hinahangaan ng panig Tsino ang ibinibigay na pagkatig ng Afghanistan sa mga isyung may kaugnayan sa nukleong kapakanan ng Tsina. Ani Wang, sinusuportahan ng kanyang bansa ang pamahalaang Afghani sa pangangalaga sa soberanya, pagsasarili, at dignidad ng bansa.
Dagdag pa ni Wang, nakahanda ang Tsina na magsikap kasama ng Afghanistan para mapalalim ang kooperasyon sa magkasamang konstruksyon ng "Belt and Road," at mapasulong ang kooperasyong may mutuwal na kapakinabangan sa iba't-ibang larangan.
Ipinahayag naman ni Rabbani ang pasasalamat sa ibinibigay na tulong ng Tsina sa Afghanitan sa mga larangang gaya ng kapayapaan, kaunlaran, at katatagan. Hinahangaan din niya ang ginagawang mahalagang papel ng Tsina sa pagpapasulong ng pagsasakatuparan ng mapayapang kompromiso, pangangalaga sa kapayapaan at katatagang panrehiyon.
Salin: Lito
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |