Nakatakdang idaos mula ika-5 hanggang ika-10 ng Nobyembre ng taong ito, sa Shanghai, ang Ika-2 China International Import Expo (CIIE). Nitong ilang araw na nakalipas, sinimulan nang ihatid ng ilang kalahok na bansang gaya ng Italya, Czech, at Vanuatu, ang unang pangkat ng kani-kanilang mga eksibit patungo sa Shanghai.
Ayon naman sa China COSCO Shipping Corporation Limited, opisyal na tagapaghatid ng Ika-2 CIIE, para buong ligtas na iparating sa Shanghai ang mga eksibit, ipinagkakaloob nila ang espesyal na serbisyo batay sa uri ng mga ito. Halimbawa, ginagamit ang mga refrigerated container para sa mga pagkaing kailangang ihatid sa mababang temperatura, anang kompanyang ito.
Salin: Liu Kai