Sa resepsyon bilang pagdiriwang sa ika-70 anibersaryo ng pagkakatatag ng Republika ng Bayan ng Tsina (PRC) na itinaguyod Biyernes ng gabi, Setyembre 20, 2019 ng Pirmihang Delegasyon ng Tsina sa United Nations (UN), binigyan ng lubos na pagpapahalaga ng mga mataas na opisyal ng UN ang tagumpay ng Tsina sa pag-unlad at ginawang ambag nito para sa pangangalaga sa kapayapaan ng daigdig, at pagpapasulong sa pag-unlad ng buong mundo.
Sinabi ni Jean-Pierre Lacroix, Pangalawang Pangkalahatang Kalihim ng UN na Namamahala sa mga Suliraning Pamayapa, na napakalaki ng ambag ng mga tauhang pamapaya ng Tsina para sa pangangalaga sa kaligtasan ng mga sibilyan, pagsasagawa ng konstruksyon ng imprastruktura, pagpapabuti ng mga mamamayan, at pangangalaga sa kapayapaan ng daigdig. Aniya, salamat sa ibinigay na tulong ng Tsina, maaaring mabisang isagawa ng UN ang gawaing pamayapa sa buong mundo.
Saad naman ni Achim Steiner, Direktor ng UN Development Programme (UNDP), na sa ilalim ng walang humpay na pagsisikap ng Tsina, ilandaang milyong mamamayan ang nakahulagpos sa kahirapan. Nagkaloob din ito ng kapaki-pakinabang na karanasan sa ibang bansa, sa mga aspektong gaya ng pangangalaga sa kapaligiran, pagharap sa pagbabago ng klima, laang-gugulin sa edukasyon at iba pa, dagdag niya.
Salin: Vera