|
||||||||
|
||
Nitong Lunes, Oktubre 7, 2019, dumalo ang delegasyong Tsino na pinamumunuan ni Zhang Kelian, Puno ng Pambansang Departamentong Atomiko ng Tsina, sa Pandaigdigang Pulong ng Pagbabago ng Klima at Papel ng Enerhiyang Nuklear na magkasamang itinaguyod sa Vienna ng International Atomic Energy Agency (IAEA) at Nuclear Energy Agency (NEA) ng Organization for Economic Co-operation and Development (OECD).
Sa kanyang talumpati sa pulong, inilahad ni Zhang ang ideya ng pag-unlad ng Tsina na gumigiit sa inobasyon, koordinasyon, luntian, pagbubukas, at magkakasamang pagtatamsa. Isinalaysay din niya ang natamong karanasan at tagumpay ng Tsina sa aktibong pagtutupad ng obligasyong pandaigdig sa pagbabago ng klima at pag-unlad ng enerhiyang nuklear.
Ipinagdiinan pa niya na sa proseso ng pagharap sa pagbabago ng klima, at pagtatatag ng luntian, low-carbon, at sustenableng sistemang pang-enerhiya, di-mahahalinhan ang ginagawang papel ng enerhiyang nuklear.
Tatagal ng isang linggo ang nasabing pulong na dinaluhan ng halos 500 kinatawan mula sa 75 bansa at 17 organisasyong pandaigdig.
Salin: Lito
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |