Mula noong Oktubre 4 hanggang Oktubre 7, magkakahiwalay na nagpadala ng mensaheng pambati sa isa't isa si Pangulong Xi Jinping ng Tsina at ang mga lider ng 6 na bansang kinabibilangan ng Bulgaria, Romania, Czech Republic, Slovakia, Hungary at Poland, bilang pagdiriwang sa ika-70 anibersaryo ng pagkakatatag ng kani-kanilang relasyong diplomatiko.
Tinukoy ni Xi na pinakamaagang kumilala sa Tsina ang nasabing 6 na bansa, at nagtatag ng relasyong diplomatiko sa Tsina. Nitong nakalipas na 60 taon, batay sa paggagalangan, pantay-pantay na pakikipamuhayan, mutuwal na kapakinabangan, at win-win situation, walang humpay na sumulong ang bilateral na relasyon, bagay na nakapaghatid ng aktuwal na kapakanan sa mga mamamayan ng Tsina at naturang 6 na bansa. Nakahanda aniya siyang magsikap, kasama ng mga lider ng 6 na bansa, at samantalahin ang pagkakataong dulot ng magkakasamang pagtatatag ng Belt and Road at kooperasyon ng Tsina at mga bansa ng Gitnang Silangang Europa, para mapasulong ang tradisyonal at mapagkaibigang kooperasyon sa bagong antas.
Buong pagkakaisang ipinahayag naman ng mga lider ng nasabing 6 na bansa ang kahandaang komprehensibong palakasin ang bilateral na pakikipagpalitan at pakikipagtulungan sa Tsina, at pasulungin ang konstruksyon ng Belt and Road at kooperasyon ng Tsina at mga bansa ng Gitnang Silangang Europa.
Nagpadala rin ng mensaheng pambati sa isa't isa si Premyer Li Keqiang ng Tsina at ang kanyang mga counterpart ng 6 na bansa.
Salin: Vera
