|
||||||||
|
||
Ipinahayag ng panig Tsino ang pag-asang pananatilihin ng Amerika at Hilagang Korea (DPRK) ang pagtitimpi at magbibigayan, para malutas ang mga ikinababahala ng isa't isa sa pamamagitan ng diyalogo at pagsasanggunian.
Ipinahayag ang nasabing paninindigan ni Geng Shuang, Tagapagsalita ng Ministring Panlabas ng Tsina, kaugnay ng working-level na konsultasyon ng nasabing dalawang bansa, sa regular na preskon nitong Martes, Oktubre 8.
Ayon sa panig ng Hilagang Korea, hindi natamo ang bunga na inaasahan sa konsultasyon na ginanap sa Stockholm, Sweden, noong Oktubre 5, kaya nabigo ang talastasan. Sinabi naman ng panig Amerikano na mainam ang talakayan at iminungkahing muling magtalastasan ang dalawang bansa pagkatapos ng dalawang linggo.
Idinagdag pa ni Geng na ang denuklearisasyon para maisakatuparan ang pangmatagalang kapayapaan ng Korean Peninsula ay tunguhin at komong palagay ng komunidad ng daigdig. Inulit din ni Geng ang kahandaan ng Tsina para patuloy na gumanap ng konstruktibong papel para rito.
Salin: Jade
Pulido: Mac
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |