Gaganapin Miyerkules ng gabi, Oktubre 9, 2019 ang seremonya ng pagpipinid ng International Horticultural Exhibition 2019 Beijing. Ayon sa lupong tagapag-organisa ng ekspo, 9.34 milyong turista ang bumisita sa nasabing pandaigdigang ekspo na tumagal ng mahigit 5 buwan.
110 bansa't organisasyong pandaigdig na kinabibilangan ng Pilipinas, at mahigit 120 eksibitor na di-pampamahalaan ang kalahok sa ekspong ito. Ang Mga Biyaya ng Kawayan at Ratan ng Pilipinas at iba pang 3,283 aktibidad ang itinaguyod sa panahon ng ekspo.
Ayon sa kaukulang namamahalang tauhan ng ekspo, pagkaraang ipinid, ang parke ng ekspo ay gagawing demonstratibong base ng sibilisasyong ekolohikal at destinasyong panturista. Magkakaloob din ito ng serbisyo para sa 2022 Winter Olympics at Winter Paralympics.
Salin: Vera