Sa katatapos na bakasyon ng National Day, lumikha ng mga bagong rekord ang maraming datos ng konsumo ng Tsina: mula noong Oktubre 1 hanggang Oktubre 7, lumaki ng 8.5% ang kabuuang halaga ng tingiang benta at kita ng mga negosyo ng pagkain at inumin ng buong bansa kumpara sa gayun ding panahon ng tinalikdang taon; umabot sa 649.71 bilyong yuan RMB ang tourism revenue sa loob ng bansa, na lumaki ng 8.47%. Lampas sa 5 bilyong yuan RMB ang box office sa panahon ng bakasyong ito.
Ang naturang isang serye ng mga datos ay nagpapakitang sa kalagayan ng paglakas ng di-tiyak na elemento, ang konsumo ay tuluy-tuloy na nagsisilbing pinakamahalagang lakas-panulak ng kabuhayang Tsino.
Samantala, maraming bagong tampok ang lumitaw sa konsumo sa panahon ng katatapos na bakasyon ng National Day. Halimbawa ang night-time economy ay nagsilbing bagong pinanggagalingan ng paglago ng kabuhayan, at mainit ang reaksyon ng mga mamimili sa katangi-tanging first-store economy.
Hanggang noong 2018, ang konsumo ay naging unang lakas-panulak ng kabuhayang Tsino, nitong nakalipas na 5 taong singkad. Noong unang hati ng taong ito, lumampas sa 60% ang contribution rate ng konsumo sa paglago ng kabuhayang Tsino. Sanhi ng walang humpay na pagtaas ng kita, lumalakas ang mithiin ng mga mamamayan sa konsumo, at kaakit-akit sa mga mamimili ang de-kalidad na produkto at serbisyo ng mga bahay-kalakal na Tsino.
Salin: Vera