|
||||||||
|
||
Sa isang panayam kamakailan, sinabi ni Leela Mani Paudyal, Embahador ng Nepal sa Tsina, na magiging historikal ang gagawing dalaw-pang-estado ni Pangulong Xi Jinping ng Tsina sa Nepal. Aniya, tiyak na dadalhin ng biyaheng ito ang relasyon ng dalawang bansa sa mas malawak na kinabukasan.
Sinabi ni Paudyal na mahaba ang kasaysayan ng relasyon ng Tsina at Nepal, at madalas ang pagdadalawan sa mataas na antas ng dalawang bansa. Bukod dito, walang humpay na lumalalim ang pagpapalitan ng dalawang panig sa mga larangang gaya ng kabuhayan, lipunan, at kultura. Lubos na nananabik ang kanyang bansa sa nasabing biyahe ni Xi, dagdag pa niya.
Ipinatalastas Miyerkules, Oktubre 9, 2019 ni Tagapagsalita Hua Chunying ng Ministring Panlabas ng Tsina, na sa paanyaya nina Punong Ministro Narendra Modi ng India at Pangulong Vidya Devi Bhandari ng Nepal, magkahiwalay na pupunta si Pangulong Xi Jinping ng Tsina sa India para dumalo sa Ikalawang Di-pormal na Pagtatagpo ng mga Lider ng Tsina at India, at magsasagawa ng dalaw-pang-estado sa Nepal mula Oktubre 11 hanggang 13.
Salin: Lito
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |