|
||||||||
|
||
Mahigpit na kinondena at buong tatag na tinututulan ng Tanggapan sa Paglaban sa Terorismo ng Tsina ang Amerika matapos ilagay ang mga Kawanihan ng Seguridad na Pampubliko ng Xinjiang sa entity list. Hinimok ng Tsina ang Amerika na agarang konselahin ang mga maling kapasiyahan at igitil ang pakikialam sa mga suliraning panloob ng Tsina.
Tinukoy ng Tanggapan sa Paglaban sa Terorismo na kinakaharap ng Xinjiang ang banta mula sa terorismo, ang mga hakbangin na isinagawa ng Xinjiang ay naglalayong pigilin ang ekstrimismo at terorismo. Ito'y angkop sa batas ng Tsina at naaayon sa pandaigdigang panuntunan. Ang mga Kawanihan ng Seguridad na Pampubliko ng Xinjiang ay nagsakatuparan ng obligasyon ayon sa batas, na nagdulot ng suporta sa mga mamamayan at nagbigay ng ambag para sa usapin ng paglaban sa terorismo ng daigdig. Sa kasalukuyan, maunlad ang kabuhayan ng Xinjiang at matatag ang lipunan sa Xinjiang.
Sinabi din ng Tanggapan ng Paglaban sa Terorismo na ang suliranin ng Xinjiang ay suliranin ng Tsina, walang kapangyarihan ang anumang bansa na makialam dito. Ang ginawa ng Amerika ay matingding lumabag sa pundamental na prinsipyo ng relasyong pandaigdig, at nakapinsala sa relasyon ng Tsina at Amerika. Patuloy na isasagawa ng Tsina ang malakas na hakbangin para sa paglaban sa terorismo, upang buong tatag na mapangalagaan ang soberanya ng bansa, kaligtasan, at kapakanan ng pag-unlad.
Sa katwirang "pagmamaltrato sa mga Muslim ethnic minorities sa Rehiyong Awtonomo ng Uygur ng Xinjiang ng Tsina, inilakip Martes, Oktubre 8, 2019 (Oktubre 7, 2019 sa Eastern Standard Time ng Amerika) ng Bureau of Industry and Security (BIS) ng Amerika ang 28 organo at bahay-kalakal ng Tsina sa "Entity List."
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |