|
||||||||
|
||
Idinaos Oktubre 9,2019, sa Great Hall of the People dito sa Beijing, ang resepsyon bilang pagdiriwang sa Ika-70 anibersaryo ng pagkakatatag ng relasyong diplomatiko ng Tsina at Rusya at Samahan ng pagkakaibigan ng Tsina at Rusya. Magkakasamang itinaguyod ang resepsyon ng Chinese People's Association For Friendship With Foreign Countries, Samahan ng Tsina at Rusya sa Pagkakaibigan,Kapayapaan at Pag-unlad, Samahan ng Pagkakaibigan ng Tsina at Rusya. Lumahok sa resepsyon sina Li Zhanshu , Pirmihang Kagawad ng Pulitburo ng Komite Sentral ng Partido Komunista ng Tsina at Tagapangulong Pirimihang Lupon ng Pambansang Kongresong Bayan ng Tsina, at Embahador Andrey Denisov ng Rusya sa Tsina.
Sa kanyang talumpati, sinabi ni Li na noong Hunyo ng taong ito, magkakasamang ipinatalastas ni Pangulong Xi Jinping ng Tsina at kanyang counterpart na si Vladmir Putin ng Rusya ang pagpapaunlad ng komprehensibong estratehikong partnership sa bagong panahon ng Tsina at Rusya, na naging modelo ng kooperasyon ng mga malalaking bansa. Umaasa siyang patuloy na magsisikap ang mga mamamayan ng dalawang bansa para magbigay ng bagong ambag para sa pag-unlad ng relasyon ng dalawang bansa.
Ipinahayag ni Andrey Denisov na nakahanda ang Rusya na patuloy na magsikap, kasama ng Tsina, para pasulungin ang pagtatamo ng bagong bunga ng relasyon ng dalawang bansa.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |