|
||||||||
|
||
Sa panayaya nina Punong Ministrong Narendra Modi ng India at Pangulong Vidya Devi Bhandari ng Nepal, mula ika-11 hanggang ika-13 ng Oktubre, sa magkahiwalay na okasyon, pupunta si Pangulong Xi Jinping ng Tsina sa India at lalahok sa Ikalawang Di-pormal na Pagtatagpo ng mga Lider ng Tsina at India; at magsasagawa siya ng dalaw-pang-estado sa Nepal.
Sa news briefing na idinaos Oktubre 9, 2019, ipinahayag ni Luo Zhaohui, Pangalawang Ministrong Panlabas ng Tsina na, ang naturang pagdalaw ni Pangulong Xi ay tiyak na magdudulot ng bagong puwersang tagapagpasulong para sa relasyon ng Tsina at India, relasyon ng Tsina at Nepal, at relasyon ng Tsina at mga bansang Timog Asya. Magbibigay din ito ng bagong ambag para sa kapayapaan at kasaganaan ng rehiyon at daigdig.
Sinabi ni Luo na ang kooperasyon ng Tsina at India ay hindi lamang makakabuti sa pag-unlad ng dalawang bansa, kundi makakabuti rin sa pangangalaga sa komong kapakanan ng mga umuunlad na bansa.
Ipinahayag din ni Luo na ito ang kauna-unahang pag-dalaw ng lider ng Tsina sa Nepal nitong nakaraang 23 taon, na tiyak na magdudulot ng epektong pangkasaysayan.
Salin:Sarah
© China Radio International.CRI. All Rights Reserved. 16A Shijingshan Road, Beijing, China. 100040 |