Miyerkules ng hapon, Oktubre 9, local time, 2019, inilunsad ng Turkey ang aksyong militar sa hilagang silangan ng Syria. Kaugnay nito, ipinahayag Huwebes ni Tagapagsalita Geng Shuang ng Ministring Panlabas ng Tsina na sa mula't mula pa'y ipinalalagay ng panig Tsino na dapat igalang at pangalagaan ang soberanya, pagsasarili, at kabuuan ng teritoryo ng Syria.
Dagdag ni Geng, unibersal na ikinababahala ng iba't ibang panig ang resultang posibleng idulot ng aksyong militar ng Turkey, at hinimok ang panig Turkish na magtimpi. Aniya, dapat iwasan ng iba't ibang kaukulang panig ng komunidad ng daigdig ang pagdaragdag ng bagong masalimuot na elemento sa kalagayan ng Syria.
Salin: Vera