Ayon sa estadistika ng adwana, noong unang tatlong kuwarter ng kasalukuyang taon, umabot sa 22.91 trilyong yuan RMB ang kabuuang halaga ng pag-aangkat at pagluluwas ng kalakalang panlabas ng Tsina, at ito ay lumaki ng 2.8% kumpara sa gayun ding panahon ng nagdaang taon. Kabilang dito, 12.48 trilyong yuan RMB ang pagluluwas, na lumaki ng 5.2%; 10.43 trilyong yuan RMB naman ang pag-aangkat, na bumaba ng 0.1%. Umabot sa 2.05 trilyong yuan RMB ang trade surplus, at ito ay lumawak ng 44.2%.
Ipinahayag nitong Lunes, Oktubre 14, 2019 sa Beijing ni Li Kuiwen, Tagapagsalita ng Pangkalahatang Administrasyon ng Adwana ng Tsina, noong unang tatlong kuwarter ng taong ito, nanatiling matatag sa kabuuan ang takbo ng kalakalang panlabas ng Tsina. Umabot sa 3.57 trilyong yuan RMB at 3.14 trilyong yuan ang pag-aangkat at pagluluwas ng bansa sa Unyong Europeo (EU) at Association of Southeast Asian Nations (ASEAN), unang dalawang pinakamalaking trade partner ng Tsina, at ito ay lumaki ng 8.6% at 11.5%, ayon sa pagkakasunud-sunod.
Salin: Vera