Ayon sa pinakahuling edisyon ng World Intellectual Property Indicators (WIPI) na inilabas ngayong araw, Oktubre 16 ng World Intellectual Property Organization (WIPO), noong 2018, lumikha ng bagong record ang bilang ng mga aplikasyon para sa patente, tatak, at disenyong industriyal ng buong daigdig. Kabilang dito, ang bilang mula sa Asya ay katumbas ng 2/3 ng kabuuang bilang ng daigdig. Samantala, halos kalahati ang ambag ng Tsina rito.
Ayon sa WIPI, noong 2018, lumampas sa 3.3 milyon ang bilang ng patent application, na mas malaki ng 5.2% kumpara sa 2017; umakyat sa mahigit 14.32 milyon ang bilang ng mga trademark applications, na mas mataas ng 15.5% kumpara sa 2017; at umabot sa mahigit 1.3 milyon ang bilang ng mga industrial design applications, na mas malaki ng 5.7% kumpara sa taong 2017.
Salin: Jade
Pulido: Mac