Sinabi nitong Huwebes, Oktubre 17, 2019 ni Geng Shuang, Tagapagsalita ng Ministring Panlabas ng Tsina, na iniharap ng Kagawaran ng Estado ng Estados Unidos ang karagdagang kahilingan hinggil sa pagsasagawa ng mga diplomatang Tsino sa Amerika ng normal na gawain, at artipisyal na inilagay ang hadlang dito. Aniya, tinututulan ito ng panig Tsino, at iniharap na ang solemnang representasyon sa panig Amerikano.
Ayon sa ulat, humiling ang panig Amerikano sa mga diplomatang Tsino sa Amerika na bago makipagtagpo sa mga opisyal na lokal, dapat maagang ipaalam ito sa Kagawaran ng Estado. Sinabi ng panig Amerikano na ito ay katugong hakbangin sa kaukulang kilos ng panig Tsino.
Kaugnay nito, ipinahayag ni Geng na palagiang kinakatigan ng panig Tsino ang pagsasagawa ng mga diplomatang Amerikano ng normal na gawain sa Tsina, at ipinagkakaloob ang kinakailangang ginhawa rito. Walang batayan aniya ang umano'y pananalitang humahadlang ang Tsina sa mga aktibidad ng mga diplomatang Amerikano. Hinimok ni Geng ang panig Amerikano na iwasto ang kamalian, alisin ang kaukulang kapasiyahan, at ipagkaloob ang suporta at ginhawa sa pagsasagawa ng mga diplomatang Tsino ng kaukulang aktibidad sa Amerika, sa halip na artipisyal na paghadlang.
Salin: Vera