Wuzhen, probinsyang Zhejiang ng Tsina — Binuksan Linggo, Oktubre 20, 2019 ang Ika-6 na World Internet Conference (WIC). Ipinadala ni Pangulong Xi Jinping ng Tsina ang mensaheng pambati sa pagbubukas nito.
Tinukoy ni Pangulong Xi na ang kasalukuyang taon ay ika-50 anibersaryo ng paglitaw ng internet. Aniya, kasunod ng mabilis na pagbabago ng bagong round ng rebolusyong pansiyensiya't panteknolohiya at industriyal, sinalubong ng internet ang mas malakas na puwersang pangkaunlaran at mas malawak na espasyong pangkaunlaran. Dapat aniyang paunlarin nang mabuti, gamitin nang mabuti, at isaayos nang mabuti ng iba't-ibang bansa ang internet para makapaghatid ito ng mas malaking benepisyo sa buong sangkatauhan.
Salin: Li Feng