Idinaos Oktubre 21, 2019, ang Diyalogo sa Tagapangulo ng Convention on the Rights of Persons with Disabilities (CRPD), at sa Espesyal na Reporters ng karapatan ng mga may kapansanan, ng 3rd Committee ng Ika-74na United Nations General Assembly (UNGA.)
Ipinahayag ni Liu Hua, Espesyal na Sugo ng Ministring Panlabas ng Tsina sa mga Suliraning ng Karapatang Pantao, na lubos na pinahahalagahan at napapangalagaan ng pamahalaang Tsino ang iba't ibang karapatan ng mga may kapansanan. Aniya pa, ang isyung ito ay inilagay na sa plano ng pag-unlad ng kabuhayan at lipunan ng bansa. Sinabi rin niya na mataimtim na isinasakatuparan ng Tsina ang kinauukulang obligasyong pandaigdig sa karapatan ng mga may kapansanan, pinapasulong ang usaping ito sa 2030 United Nations Agenda for Sustainable Development, at konstruksyon ng "Belt and Road (BR), " at walang humpay na pinapasulong ang kooperasyong pandaigdig sa isyu ng mga may kapansanan sa ilalim ng mga mekanismong tulad ng Asia-Pacific Economic Cooperation (APEC).
Salin:Sarah